مراجعتي للعبة | DeathStranding | جنوح الموت

المراجعة بإذن الله بتكون بدون حرق..

‏بسم الله بعد تختيمي للعبة ‎DeathStranding
بكتب مراجعه خفيفه عنها بدون اي حرق وبقول فيها رأيي بصراحة وبدون انحياز وتطبيل ...‏

نبدأ اول شي بالقصة ..

القصة معقده لاخر مهمه وما تدري من العدو من الصاحب كل شوي تشك بشخص وسرد القصة رهيب لدرجه اني بالمهمات الاخيره باقي شوي وابكي ..
فيه مهمات تقول هذي اخر مهمه وفجأه يبدا الحماس بعدها وكل مهمه تحس انها مصممه لحالها وبعنايه
تقييمي للقصة 10/9,5‏

الموسيقى

وما ادراك ما الموسيقى ..
رهيبة لدرجه كبيره
كعادة العاب كوجيما ما تخلى من الموسيقى الرائعه الي مافيها صراخ وتسارع بالإيقاع
تكون هاديه وتدخلك جو سواء كان كتسينز او وانت تمشي بالماب وفجأه تشتغل او حتى انت بغرفة الإستراحة

تقييمي لها 10/10‏

..

الشخصيات الرئيسية ..
الشخصيات كانو رهيبين بشكل جميل وكل شخصية ادت الي عليها وزيادة وكل شخصية توصلك مشاعرها اذا جت تقول قصتها او انت قريت عنها ..

بإستثناء شخصية سام ما عجبتني ابدا ابدا وكان قادر يأدي افضل من الي اداه ..
تحس كانه رجل الي ببعض الكتسينز ما يتكلم وساكت 
‏قليل جدا يتكلم وذا اشوفه عيب تكرر مثل الي كان بشخصية venom snake ساكت طول اللعبة في ‎MGSV
تقييمي للشخصيات 9/10

العالم..

التضاريس صعبة فيه وخاصة لما تكون معك حموله و تكون فوق 50 وزنها صعب التحكم مع الوزن

العالم كمناظر رهيب ويخدم القصة من ناحية ومن ناحيه ممل لكثرة المشي والمسافات الطويلة

..
تقييمي للعالم:  6/10

التحكم

كانو قادرين يقدمون شي افضل من كذا بمراحل ..
التحكم سيء جدا ويقهرك ببعض المرات .
مثلا تكون بجبل وقربت تطيح تحاول ترجعه ورا ما يمديك او انت تسوق تحس الاعب والدباب جسم واحد غير الفايت الضعيف تقنيا والغبي
تقييمي للتحكم 4.5/10

المهمات..
المهمات كثيره جدا وتلخبط بالبداية
بس تنفهم على طول وتفرق بين الرئيسية والجانبية
لكن التكرار موجود وبكثره واغلب المهمات توصيل
تكرار ممل لكن تقدر تتحمله وتكمل لان القصة تستاهل

تقييمي للمهمات 8.5/10

الإيجابيات والسلبيات

نبدا بالإيجابيات
1- القصة الجميلة والمعقدة
2- الموسيقى
3- الشخصيات الثلاث "مادس"تروي"Léa
4-المناظر الجميلة بالعالم
5- بعض المهمات .....
........
السلبيات
1-التكرار الممل
2-كثره المشي والمشورة
3- تمطيط لبعض الاحداث عشان توصل
4-التضاريس الغبية ببعض الاماكن
‏5- شخصية سام كان يقدر يأدي افضل من كذا

6- التحكم السيء للدراجات والمركبات 

7- الفايت عادي جدا جدا وفيه اخطاء

........................................

‏لكن مع هذا كلة 

تجربة اللعبة كانت جميلة وممتعه وحلو انك تجرب شي جديد ومختلف عن الروتين الي صاير باكثر الالعاب 

شكرا على القراءة واعتذر ع الاطالة